Izdeý-qutqarý jumystary júrgizile bastaǵan kúnnen bastap Qazaqstan TJM qutqarýshylary 7 adamdy qutqaryp, medısına qyzmetkerlerine tapsyrdy. Qaıtys bolǵan 85 adamnyń, onyń ishinde 10 balanyń denesi úıindi astynan shyǵaryldy, dep habarlaıdy Egemen.kz TJM baspasóz qyzmetine silteme jasap.
«Qazir Qazaqstan TJM qutqarýshylary eki eldi mekende izdeý-qutqarý jumystaryn jalǵastyryp jatyr. Qıraǵan úılerdiń ornyndaǵy úıindilerdiń arasyn ashý jumystary júrgizilýde. Qutqarýshylar turaqsyz qurylymdardy bólshekteý jáne arnaıy keskishtiń kómegimen jol tazartý jáne qırandylardyń astynan zardap shekkenderdi izdeýdi jeńildetý úshin úıindilerdiń astyndaǵy armatýrany kesý jumystaryn jalǵastyryp jatyr. Bul beton, arqalyqtar jáne basqa da qurylys qaldyqtaryn bólshektep, arnaıy tehnıkaǵa júkteýdi jeńildetý úshin jasalady», delingen vedomstvo habarlamasynda.
Gazıantep qalasynda birinshi eshelonmen barǵan qutqarýshylar táýlik boıy, aýysymmen jumys istep jatyr.